Gii sáhttá luoikkahit?
Buohkat sáhttet geavahit girjeráju ja luoikkaheapmi lea nuvttá. Go mii luoikat skuvllaide, ásahusaide ja organisašuvnnaide, de lea sis ovddasvástádus luoikkahuvvon ávdnasiin.
Luoikkahankoarta
Luoikkahankoartta oaččut girjerádjosis. Don sáhtát oažžut sierra luoikkahankoartta go leat deavdán 14 jagi. Jos leat nuorat, de fertet oažžut du fuolaheaddjiin lobi oažžut luoikkahankoartta, ja fuolaheaddjiin lea ovddasvástádus luoikkahuvvon ávdnasiin. Váldde mielde luoikkahankoartta jos áiggut luoikkahit maidege girjerádjosis. Muitte maid dieđihit jos namma dahje čujuhus rievdá.
Luoikanáigi
Dábálaš luoikahanáigi lea 1 mánu. Ođđa ja hui bivnnuhis ávdnasiid luoikanáigi lea 2 vahku. Erenoamáš árvvolaš girjjiin lea girjerádjosis sierra guitevuogádat movt luoikat ja vuostá váldit girjjiid. Giellakurssat luikojuvvojit guovtti - 2 mánnui. Luoikahanáiggi sáhttá guhkedit jos ii leat oktage eará jearran luoikkasin daid seamma girjjiid.
Várren
Jos ávdnasat maid don háliidivččet luoikkahit leat luikojuvvon, de sáhtát bivdit várret daid dutnje. Dalle oaččut dieđu e-poastta, telefovnna dahje poastta bokte go dat boahtá sisa. Mii vurket du nammii gitta vahku rádjai.
Muittuhus
Jos don it buvtte dan maid leat luoikkahan rivttes áigái, de muittuhit mii du ahte luoikanáigi lea nohkan. Guovtti muittuhusa maŋŋá sáddet rehkega das maid don it leat buktán. Luoikkahankoarta lea peršuvnnalaš, ja dus lea alddát ovddasvástádus jos divttát earáid geavahit du koartta. Láhppon ja bieđganan ávdnasiid ovddas fertet máksit min máksomeriid vuođul.
Luoikkahanvuoigatvuođa massin
Don sáhtát massit luoikkahanvuoigatvuođa jos it čuovo luoikkahan- njuolggadusaid.
Erenoamáš video/DVD/CD ja eará AV-áđat
Filmmaid luoikkahaneaktun lea ahte luoikkaheaddji lea doarvái boaris luoikkahit daid. Girjerádju ii sáhte váldit ovddasvástádusa vahágiin maid luikojuvvon áđat sáhttet dagahit čuojahanrustegiidda.