Sametingsrådet med regnbueflagg (Foto: Jan Roger Østby)

Doarju Sápmi Pride

23. Borgemánnu 2016

Sámediggi doarju Sápmi Pride mii lágiduvvo Guovdageainnus borgemánu 26. – 28. b. 121 000 ruvnnuin.

Sámedikki presideanta Aili Keskitalo ja sámediggeráđđi Henrik Olsen searvaba Sápmi Pride:ii Guovdageainnus.

-Dieđusge doarju Sámediggi dán čalmmustahttima ja dan ahte mii searvat bonju sámiid oainnusindahkamin, dadjá sámediggepresideanta Aili Keskitalo.

Son oassálastá lávdedigaštallamii bearjadaga borgemánu 26. b. dii. 20.00 Diehtosiiddas. Sámediggeráđđi Henrik Olsen oassálastá ipmilbálvalussii sotnabeaivve borgemánu 28. b. dii. 11.00.

-Sápmi Pride lea šaddan deaŧalaš arenan bonju sámiide, čájehan dihtii iežaset identitehta ja leahkima, erenoamážit daidda sámiide geat ásset ábevirolaš sámi guovlluin, dadjá Keskitalo.

-Festivála lea mielde buorideamen bonju sámiid eallima. Festivála lea maid mielde riggudahtiimin min servodaga ja dahkat min eanet gierdevaččat, dadjá Keskitalo.

Keskitalo dadjá ahte maŋimus jagiid leat mii vásihan positiiva ovdáneami ja eanet rabasvuođa bonju sámiid dili ektui.

-Dákkár festiválat go Guovdageainnus veahkehivčče eanet bonju sámiid čájehit iežaset soju boahtteáiggis, ja ahte jávket sámi servodagas ovdagáttut bonju sámiid ektui, dadjá Keskitalo.

Sápmi Pride lágiduvvui vuosttaš geardde jagis 2014 Gironis, ja dasto Kárášjogas jagis 2015.

Noereh lágida dán jagi Sápmi Pride. Noereh lea Norgga bealde Sámi bellodatpolitihkalaččat sorjjasmeahttun sámi nuoraidorganisašuvdna.

Dás sáhtát lohkat eanet festivála birra:

https://www.facebook.com/events/983704808329880/

https://noereh.wordpress.com/

Eanet dieđuid addá:

Sámedikki presideanta Aili Keskitalo, 971 29 305