Foto: Aina Bye

Ealáhusat

Seailluheames ja ovdánahttimis sámi ealáhusvugiid mearkkaša ahte sihkkarastá sámiid ealáhusvuođu, ja dáhkida sámi kultuvrra ovdáneami ja ealli sámegiela.
Ovddasvástideaddji politihkkár
Silje Karine Muotka ©Kenneth Hætta/Sámediggi
Rådsmedlem NSR Nordre

Sámediggi bargá

  • nana ja máŋggabealat ealáhusdoaimmat
  • ealáhusdoaimmat main vuođđun lea ja doahttalit sámi kultuvrra, luonddu ja birrasa
  • ealáhusdoaibma mii dagaha ceavzilis báikegottiid gos olbmot háliidit orrut

Duogaš

Sámi ealáhusat leat árbevirolaččat čadnon lundui. Sápmelaččat leat viežžan eallinláibbi ja dietnasiid meahccevalljodagaid ávkkástallamis, guolásteamis, eanandoalus ja boazodoalus, mas maiddái leat ožžon vuođđoávdnasiid duodjái ja iešguđetge muohkadanbuktagiid. Sápmelaččat heivehit ja ovdánahttet iežaset almmá kultuvrraset guođđimis. Dákkár geabbilis ja hutkás miellaguottut rievdademiide ja ođđajurddašeapmái lea dehálaš  sámi ealáhusovdáneamis velá odne ge.