Duodji jođihanfápmun
Oahpahus
Dutkan ja alit oahpahus
Sámediggeráđđi evttoha várret 1 miljon ruvnno árbedihtui 2017:s.
Thomas Åhren 6 (Foto: Kenneth Hætta)

Sámediggeráđđi evttoha várret 1 miljon ruvnno árbedihtui 2017:s.

22. Skábmamánnu 2016

-Árbediehtu ovddasta dehálaš oasi sámi kulturárbbis. Dáinna juolludemiin sihkkarastit mii buriid proseassaid main buot áššebealit ožžot rolla ovttasbarggus dokumenteret ja seailluhit sámiid oktasaš máhttovuorkká, lohká sámediggeráđđi Thomas Åhren

Dássážii lea bargojuohkin leamaš eahpečielggas gaskal aktevrraid, nu ahte vurdojuvvo ahte bargojoavku dahká vuđolaš barggu rollajuohkimii boahtteáiggis. Ráđđi evttoha vuođđudit bargojoavkku mas leat fágaolbmot sámi museain, Sámi allaskuvllas, Sámi Arkiivvas, sámi guovddážiin/ organisašuvnnain/ ásahusain mat barget árbediehtosurggiin, ja Sámedikkis.

-Mii evttohit ahte 1 miljon ruvdno galgá mannat dán dehálaš bargui boahtteáiggi máhttohuksema várás, duođašteami ja gaskkusteami várás, lohká Åhren.

Bargojoavku galgá čielggadit boahtteáiggi barggu dokumenteremiin, olahanmuddui dahkamiin ja geavahemiin sámi árbedieđus. Sámediggeráđđi háliida ahte bargojoavku dasto oažžu viiddis vuođu ja sajáiduvvá ásahusain main lea árbediehtu oassin ovddasvástádusas. Vuođđudeapmi lea oassin sámediggeráđi bušeahttaárvalusas 2017 ovddas.

Áigemearri geiget raportta lea 31.12.17.

-Mii háliidit ahte buohkat geaidda ášši gullá galget leat fárus dán bargojoavkkus nu ahte das lea viiddis vuođđu ja dan bokte sajáiduvvá buot ásahusaide main lea árbediehtu oassin ovddasvástádusas, deattuha Åhren.

Oktavuođaolmmoš: :

Sámediggeráđđi Thomas Åhren, 908 39 663