Mánáidgárdi
Sámi mánáidgárdi lea mánáidgárdi sámi mánáid várás ja gos leat sámi mánát. Dat lea mánáidgárdi mas sámegiella lea doaibmagiellan, ja mii earenoamážiid deattuha sámi kultuvrra. Maiddái deattuhuvvo bargun ahte leat veahkkin fállamis sámegiela oahpahusa daid mánáidgárddiin gos dat dárbbašuvvo.
Buot sámi mánáin lea vuoigatvuohta oažžut mánáidgárdefálaldaga mii doahttala mánáid giela ja kultuvrra. Sámediggi bargá dan badjelii ahte mánáidgárddit galget leat gergosat sámi mánáide láhččet fálaldaga mii doahttala ja vuhtii váldá mánáid giela ja kultuvrra.
Sámediggi bargá dan badjelii:
- Nannet ja ovdánahttit sámi mánáidgárdemánáid giela, kultuvrra ja gullevašvuođa.
- Nannet sámegielat mánáidgárdebargiid rekrutterema.
Dát lea mainna dál bargat:
- Sámediggedieđáhus mánáidgárddi birra.
Sámeddiggi lea čállimin dieđáhusa mánáidgárdefálaldaga birra. Dieđáhus galgá čalmmustahttit áŋgiruššansurggiid ja daid hástalusaid maid ferte dustet go oččoda nu buori mánáidgárddiid go vejolaš. Guđe hástalusaid oainnát don sámi mánáidgárdefálaldaga ektui? Sámediggi bovde guoskevaš instánssaid searvat árjjalaččat.
Sáddes árvalusaid dieđáhussii dán čujuhussii: manaidgd@samediggi.no
Stuorimus gaskaoapmi nannemis sámi mánáidgárdemánáid giela ja kultuvrra lea doarjja mánáidgárddiide. Sámedikkis leat maiddái stipeandaortnegat, earret eará rekrutteremis sámegielat bargiid mánáidgárddiide. Lea vejolaš addit stipeandda sihke joatkkaskuvlla ohppiide, ja allaskuvlla ja universiteahta studeanttaide. Sámediggi lágida fierpmádatčoahkkimiid sámi mánáidgárdebargiid várás, vai ovdánahttit kvaliteahta ja loktet gelbbolašvuođa. Sámediggi maiddái mánáidgárdesuorgái buktá neavvagiid sámegiela oahpahusa birra.
Sámedikkis leat máŋga ovttasbargoguoimmi geat minguin ovttasbarget vai ulbmiliiddámet joksat.
Mánáidgárddiid vánhenlávdegoddi
Mis lea maiddái lagas ovttasbargu ovttaskas suohkaniiguin, dat lea suohkana ovddasvástádus fuolahit ahte mánáidgárddit fállet sámi giella- ja kulturoahpahusa. Suohkan lea mánáidgárddiid, maiddái priváhta mánáidgárddiid gozihaneiseváldi. Sámediggi doalaha oktavuođa ovttaskas mánáidgárddiiguin, ja eará mánáidgárdeeaiggádiiguin go suohkanin.
Fylkkamánni ovddasvástádus lea neavvut suohkaniid ja eará mánáidgárdeeaiggádiid, ja gozihit ahte suohkanat doaimmahit geatnegahttojuvvon doaimmaideaset.
Olgguldas veahkkevárit:
Sámi mánáidgárdi lea mánáidgárdi sámi mánáid várás ja gos leat sámi mánát.
Sámi mánáidgárdi ja skuvlakonferánsa
Sámediggi sávvá bures boahtima sámi mánáidgárde- ja skuvl...
Loga eambbo