Rabas virggit

Bargamušat:
Virggi váldobargui gullá Sámedikki IKT-doaimmaid jođiheapmi ja bajásdoallan nu go gieđahallat siskkáldas oktavuođaváldimiid IKT vuogádagaid ja telefoniija oktavuođas, gieđahallat boasttuvuođaid siskkáldas doarjjavuogádagain, doaimmahit ja bajásdoallat Sámedikki teknihkalaš vuogádagaid, oahpahit ođđa bargiid ja siskkáldas geavaheddjiid, duođašteapmi, ráhkadit gáibádusspesifikašuvnnaid ja veahkehit jođiheddjiid háhkamiiguin.

Gelbbolašvuohta:
Virgái háliidit vuosttažettiin olbmo geas lea IKT-oahppu allaskuvllas, muhto guoskevaš vásáhusat sáhttet buhttet váilevaš formálalaš oahpu. Vásáhusat dakkár vuogádagaiguin go MS Office, Windows, Exchange, SQL Server ja Linux lea ovdamunnin. Máhttu sámi servodatdiliid birra ja sámegielas deattuhuvvo. Dasa lassin deattuhuvvojit buorit fágalaš gelbbolašvuođat, ovttasbargan- ja gulahallannávccat, dás maiddái čálalaš ovdanbuktinnávccat, návccat bargat iehčanassii ja ulbmilaččat ja veahkkáivuohta.

Virgi lea biddjojuvvon virgekodii 1408 Vuosttaškonsuleanta dahje virgekodii 1363 Ráđđeaddi.

Eanet dieđuid virggi birra addá ossodatdirektevra Tommy Somby dahje IKT-juhkosa fágajođiheaddji Karl Edvard Balto, tel (47) 78 47 40 00.

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25.000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.

Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui. 

Elektrovnnalaš virgeohcan registrerejuvvo: www.jobbnorge.no.
Duođaštuvvon skuvla- ja bargoduođaštusaid máŋgosat biddjojuvvojit mielddusin elektrovnnalaš ohcamii.
Duođaštusat ja atteastat báberhámis eai sáddejuvvo ruovttoluotta, daid mii jávkadit.