Finnmárkkulága ulbmilin lea láhčit dilálašvuođaid dainna lágiin ahte eana ja luondduriggodagat Finnmárkku fylkkas hálddašuvvojit dássedettolaš ja ekologalaččat gánnáhahtti vugiin buoremusat ávkin fylkka ássiide, ja erenoamážit sámi kultuvrra, boazodoalu, meahcceávkkástallama, ealáhusaid ja servodateallima vuođul.
Ulbmil
Njuolggadusaid ulbmilin lea doaibmat veahkkin ja leat mielde dárkilastimin go rievdaduvvon meahcceávkkástallama váikkuhusat sámi kultuvrii, boazodollui, meahcceávkkástallamii, ealáhusaide ja servodateallimii árvvoštallojuvvojit.
Gustojit
Áššiin rievdaduvvon meahcceávkkástallama ektui galget stáhtalaš, fylkkagieldalaš ja gieldalaš eiseválddit árvvoštallat makkár mearkkašupmi rievdadusas lea sámi kultuvrii, boazodollui, meahcceávkkástallamii, ealáhusaide ja servodateallimii.