Doarjja sámi giellaprošeavttaide

Ulbmil doarjjaortnegiin lea ahte álbmogis lea vejolašvuohta oahppat ja ovddidit sámegiela.

Rabas ohcanáigemearri.

Ohcamat meannuduvvojit dađistaga go bohtet. Áššemeannudanáigi lea sullii 2 mánu.

Dása sáhtát oažžut doarjaga:

  • Rahkadit ja/dahje jorgalit giellaapplikašuvnnaid ja spealuid sámegillii mánáide ja nuoraide.
  • Sámegielkurssat rávisolbmuide.
  • Lohkan- ja čállinveahkkeortnegat sámegielagiidda.
  • Váikkuhit Biibbala jorgaleami lulli- ja julevsámigielaide.
  • Giellaovddidandoaibmabijut sámi giellaguovddážiidda ásahanmuttus.
  • Sámi báikenamaid čohkken.
  • Sátnegirjjiid ráhkadeapmi sámegielain, earenoamážit vuoruhuvvojit digitála čovdosat.
  • Terminologiijaprošeavttat.
  • Váikkuhit dan ahte sámi mediafálaldagaide, mat leat ásahuvvomin, bohtet ovddidanprošeavttat dassážii go šaddet dássedis doarjjaortnegat.
  • Gielladoaibmabijut čalmmustit riikkaidgaskasaš álgoálbmotgielaid jagi 2019.
  • Gielladikšundoaibmabijut ja buorit giellaarenat
  • Ovddidit málliid vai giellaresurssat mat leat guovllus oktiibuot sáhttet váikkuhit buoret giellaoahpahusa.

Gii sáhttá ohcat:

  • Almmolaš ja priváhta organisašuvnnat/ásahusat/fitnodagat
  • Sámi giellaguovddážat mat ožžot njuolggodoarjaga Sámedikki bušeahtta bokte, eai sáhte oažžut doarjaga dán doarjjaortnegis. Spiehkasteapmi lea:
    • Sámi giellaguovddážat julev-, lulli- ja márkosámi guovlluin sáhttet ohcat doarjaga vuoruheamis “Gielladikšundoaibmabijut ja buorit giellaarenat”  ja "Ovddidit málliid vai giellaresurssat mat leat guovllus oktiibuot sáhttet váikkuhit giellaoahpahusa".
    • Buot giellaguovddážat sáhtet ohcat doarjaga vuoruheamis: "Gielladoaibmabijut čálmmustit riikkaidgaskasaš álgoálbmotgielaid jagi 2019". 
  • Fitnodagat, ásahusat ja organisašuvnnat mat ožžot doarjaga, galget leat registrerejuvvon Norgga Ovttadatregistarii.

Ná olu sáhtát oažžut doarjaga:

  • Eanemus doarjja maid sáhtát oažžut lea kr 300 000 rádjái.

Čuovvovaš mildosat galget leat ohcama mielde:

Prošeaktačilgehus mas leat čuovvovaš čuoggát:

  • Prošeavtta áigumuš oassemihttuiguin
  • Ulbmiljoavku
  • Ohcama vuođustus
  • Fágalaš sisdoallu
  • Čilgehus prošeavtta čađaheapmái oktan ovdánanplánain ja vejolaš muttuiguin
  • Prošeavtta čađahahttivuohta /riskoárvvoštallan
  • Mot prošeakta lea vuođđuduvvon geavaheddjiid sávaldagaide ja servodaga dárbbuide
  • Čilgehus mot prošeavtta váikkuhus lea boahtteáigái maŋŋel prošeaktaáigodaga
  • Čilgehus mot prošeavttas váldo vuhtii dásseárvoperspektiiva
  • Čilgehus mot prošeaktaboađus galgá almmuhuvvot/ilbmaduvvot
  • Vejolaš ovttasbargoguoimmit:
  • Leat go vejolaš eará ruhtadeaddjit meannudan doarjjaohcama ja juolludan doarjaga
  • Soahpamuš applikašuvnnaid vuoigatvuođaoamasteddjiin (guoská ohcamii applikašuvnnaid heiveheami oktavuođas).

Eambbo dieđut doarjjaortnega eavttuid birra: Geahča Sámi giellaprošeavttaid doarjjanjuolggadusaid.

Gulahallanolbmot: Anne Marit Triumf +47 78 48 42 11 ja Siv Marit R. Eira +47 78 47 40 72

Elektrovnnalaš ohcanskovvi

Prošeaktačilgehussii mála WORD | 12.318 kB
Čoggojuvvon báikenamat-skovvi EXCELL | 12.862 kB
Tearbmabargonjuolggadusat WORD | 35.328 kB

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!