Rabas ohcanáigemearri

Doarjjaortnega mihttomearri

  • Ealli báikegottit gos lea juohkelágan kultureallin mii nanne sámi gullevašvuođa.

Ortnega doarjjaoažžut:

  • Fitnodagat
  • Organisašuvnnat
  • Stáhtaásahusat
  • Prošeavttat kulturdoaluide sámi nášunalbeaivve oktavuođas, de leat suohkaniin/gielddain ja sámi ásahusain/organisašuvnnain vejolaš ohcat doarjaga

Ii addojuvvo doarjja Norggas registrerejuvvon olgoriikka fitnodagaide.

Institušuvnnat ja organisašuvnnat geat ožžot njuolgadoarjaga Sámedikki bušeahta, ii leat vuoigatvuohta oažžut doarjaga.

Suohkaniin/gielddain ii leat vejolaš ohcat doarjaga earet go kulturdoaluide sámi nášunalbeaivve oktavuođas.

Doarjaga sáhttá ohcat čuovvovaš doaibmabijuide:

  • Kulturdoalut main deattuhuvvo sámi kultuvra ja servodatdigaštallan mii ovdánahttá ja gaskkusta sámi dáidaga, kultuvrra ja girjjálašvuođa. Das mielde maiddái bálkkážat ja mátkedoarjja sámi dáiddáriidda ja kulturbargiide.
  • Prošeavttat mat nannejit ja suodjalit árbevirolaš ja ođđaáiggi kulturilbmadeami.
  • Kultuvrralaš ja dáiddalaš ilbmademiid prošeavttat ja buvttadeamit.
  • Bamse nammasaš bláđe almmuheapmi sámegillii.
  • Doaibmabijut mat váikkuhit árbedieđuid bissuma, das mielde maiddái sámi biebmoárbevierut.
  • Sámi kulturdoalut gávpogiin.

Gáibádus ohcama sisdollui ja hápmái:

  • Ohcan galgá čállojuvvot Sámedikki ohcanskovvái.
  • Ohcamušat mat eai deavdde ohcaneavttuid šaddet hilgojuvvot.  
  • Bušeahtta mii čájeha gollomeroštusa ja ruhtadanplána.
  • Sus guhte vuolláičállá ohcama ferte leat fátmadus geatnegahttit institušuvnna.

Meroštallannjuolggadusat:

  • Doarjaga vuolimus rádjá lea 10 000 ru. Eanemus doarjja lea 150 000 ru.
  • Go ohca álmmuhit Bamsebláđe sámegillii lea eanemus doarjja gitta 400 000 ru.
  • Go ohca artistahonorarat ja mátkedoarjja sámi artisttaide ja kulturbargiide galgá čálalaš šiehtadus gaskal artistta ja lágideaddji leat mielddusin ohcamii. Artistta honoráragáibádus galgá boahtit ovdan šiehtadusas. Honorára galgá ruhtaduvvot ovttas lágideddjiin. Sámedikki oassi honoráras lea ráddjejuvvon bajás guvlui 15 000 ruvdnui. Dasa lassin sáhttá oažžut mátkedoarjaga, eanemusat 10 000 ru.
  • Ii addojuvvo doarjja doaibmabijuide mat lohkkojuvvojit gullat ásahusa/organisašuvnna doaibmabargamušaide, dahje prošeavttaide mat leat doaibmaláganat.
  • Ii ge addojuvvo doarjja spesifiserekeahtes goluide, sosiála goluide ja investeremiidda.

Doarjja ii addojuvvo:

  • Semináraide
  • Konferánssaide
  • Kultuvrralaš skuvlalávkii

Meannudanáigi:

Ohcci sáhttá vuordit vástádusa ohcamii 3 mánu maŋŋágo mii leat ožžon ohcama, gč. hálddašanlága § 11. Gaskaboddasaš dieđáhus hálddašanáššiin sáddejuvvo maŋimusat mánu maŋŋágo mii leat ožžon ohcama.

Gulahallandieđut:

Emma Margret Skåden, tlf: +47 78 47 41 01, Inger Tjikkom, tlf: +47 78 47 40 45, Nanni Mari Westerfjeld, tlf: +47 78 47 40 25, Silja Somby, tlf +47 78 48 42 30

Elektruvnnalaš ohcanskovvi

Regelverk kulturtiltak word ( 512.121 kB )

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!