Ohcanáigemearri: 31.03.2017 23:59

Fuom: Jus don leat vuollel 18 jagi boaris de galgá ohcan sáddejuvvot du váhnema/ovddasteaddji "ID-porten" bokte.

Ohcanáigemearri: 31.03.17

Ohcamat 2016/2017 skuvlajagi várás sáhttet sáddejuvvot áigodagas 16.01.17 gitta 31.03.17 rádjái. Ohcamat meannuduvvojit dađistaga.

Gii sáhttá oažžut stipeandda:

  • Joatkkaskuvlaoahppit geain lea sámegieloahpahus juogo vuosttášgiellan, nubbingiellan dahje amasgiellan

Jus galggat oažžut stipeandda fertet leat oahppi almmolaš dohkálaš oahpposajis Norggas, ja ferte leat vuoigatvuohta oažžut doarjaga Stáhta loatnakássas.

Sáhtát maid ohcat stipeandda jus leat norgga stádaborgár dahje lea riekti registreret iežat norgga stádaborgáriin, ja leat oahppi almmolaš dohkkehuvvon oahpposajis Ruoŧas dahje Suomas. Dasa lassin ferte leat vuoigatvuohta oažžut doarjaga Stáhta loatnakássas Norggas.

Olu go sáhtát oažžut stipeandda:

  • Go lea sámegiella vuosttašgiellan: kr 7 500
  • Go lea sámegiella nubbingiellan - sámegiella 2: kr 5 500
  • Go lea sámegiella nubbingiellan - sámegiella 3 dahje sámegiella 4: kr 3 000
  • Go lea sámegiella amasgiellan: kr 3 000

Mildosat ohcamii:

Duođaštus oahpposajis ahte don leat oahppi skuvllas ja ahte dus lea sámegieloahpahus.

Jus don lea oahppi juogo Suomas dahje Ruoŧas de fertet vel sáddet duođaštusa fágaoahpaheaddjis mas boahtá ovdán makkár dási Sámedikki njuolggadusaid ektui oahpahus vástida; sámegiella vuosttášgiellan, nubbingiellan 2, 3 dahje 4, dahje amasgiellan.

Gulahallanolbmot: Anne Marit Triumf, tlf. 78 48 42 11 ja Ellen A. Oskal-Spein, tlf. 78 48 42 08

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!