Fágabeaivi lhbtiq ja mentála dearvvašvuođa birra sámi servodagas

28.11 - 09:00

Sámediggi lágida skábmamánu 28. beaivvi fágabeaivvi lhbtiq ja mentála dearvvašvuođa birra sámi servodagas, ovttas Mánáid-, nuoraid- ja bearašdirektoráhtta (Bufdir), Mental helse ungdomain, KUN:in ja SÁNAG:in.

Fafo-raporta Lesbiske og homofile i Sápmi jagis 2009 čájeha ahte olu lesbat ja homofiillat geain lea sámi gullevašvuohta, vásihit vealaheami ja hilguma. Seamma hástalusat leat duođaštuvvon ođđasat dutkosis. 2013:s almmuhuvvui dasto vel dáiddaprošeakta Queering Sapmi mii dáhtui hástalit ovdagáttuid sámi álbmoga birra homogena álbmotjoavkun.

Dát fágabeaivi čuovvola ovddeš initiatiivvaid čalmmustahttit dan ahte leat bonju ja sápmelaš. Šaddá erenoamáš fokus lbhtiqii ja mentála dearvvašvuhtii sámi servodagas ja almmuhat raportta prošeavttas The Only Gay in the village, mas dutkit leat jearahallan sámegiela hálddašanguovllu muhtun gielddaid dearvvašvuođabargiid iskat mo bálvalusat áimmahuššet lhbtiq-doaibmaplána. Ovdanbuktojuvvojit maiddái ráđđehusa lhbti-doaibmaplána, áigeguovdilis statistihkat suorggis ja reaiddut mat galget oččodit gielddaid oažžut eanet dásseárvosaš ja fátmmasteaddji bálvalusaid.

Ulbmiljoavku leat vuođđodearvvašvuođa bargit, sii geat barget strategalaš dásis ja politihkkárat.

Gos: Kárášjogas. Sámedikki Auditoriijas

Goas: 28.11, 09.00–15.00.

Gaskaboddosaš prográmma (sáhttá rievdat)

08:45 Káfestallan
09:00 Buresboahtin
09:15 Ovdanbuktin Sámedikki bokte
09:30 Logut, statistihkat ja reaiddut lhbtiq-suorggis gielddaid várás, Bufdir bokte
10:15 “The Only Gay in Sápmi”, raportaalmmuheapmi KUN bokte
12:00 Lunša
13.00 Ovdanbuktin SÁNAG bokte
13:30 Dialogajoavkkut
14:45 Čoahkkáigeassu ja loahpaheapmi

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!