Giellavahku prográmma - bearjadaga

Oppalašlistu guđe doaluide sámediggepresideanta, sámediggeráđđi ja dievasčoahkkinjođiheaddji servet Giellavahku oktavuođas:

25.10 - 10:00

Porsáŋggus: Galledit Porsáŋggu Sámi giella- ja kulturguovddáža

Báiki: Porsáŋggu Sámi giella- ja kulturguovddáš
Goas: dii. 10.00-11.00

Sámediggepresideanta Aili Keskitalo ja sámi áššiid stáhtačálli Anne Karin Olli searvaba.

Romssas: ON guoddevašvuođa mihttomeari lanseren – sámi  

Báiki: Romssas ráđđeviessu
Goas: dii. 11:30

Ráđđelahttu Henrik Olsen searvá, ja doallá sáhkavuoru.

ON riikkaidgaskasaš eamiálbmotgielaid jagi oktavuođas bovdet mii ON guoddevašvuođa mihttomeriid davvisámegieljorgaleami almmuheapmái.

Kárášjogas: «Saemesth!» applikašuvnna lanseren

Báiki: Sámi joatkkaskuvla Kárášjogas
Goas: dii. 13.10-13.55

Sámediggepresideanta Aili Keskitalo áigu presenteret digitála veršuvnna lupmaparlevrras  maid Sámediggi ráhkadahtii “Sámás muinna” –giellakampánja oktavuođas 2014:s. Lupmaparlevra lea leamaš hui bivnnut ja ain jearahit dan. Danne lea Sámediggi háliidan ráhkadahttit digitála veršuvnna das, applikašuvdnan, vai livččii eanet olámuttus. Lea vel biddjojuvvon jietnafilter muhtun sániide parlevrras vai sáhttá gullat mo sániid galgá dadjat.

Sámediggepresideanta Aili Keskitalo ja sámi áššiid stáhtačálli Anne Karin Olli searvaba lágideapmái, ja maid oahppit sámi joatkkaskuvllas Kárášjogas.

Romssas: Mii galbet Norgga

Báiki: Romssa ráđđeviesus
Goas: dii. 14.15

Ráđđelahttu Henrik Olsen searvá

Sámediggi lea sámi giellavahku oktavuođas (21-27.10) ráhkadahttán galbenávdnasii sámegiela hálddašanguovllu gielddaide + muhtun stuorra gávpogiidda. Dat leat sisgalbbat mat leat sihke mátta-, julev- ja davvisámegillii. Galbapáhkas leat galbbat iešguđetlágan ásahusaide: gielddavissui, skuvlii, valáštallanvissui, vuojadanáldái, bibliotehkii, boarrásiid fuolahussii, dearvvasvuođabálvalussii ja kulturásahusaide.

Mii lea ovttas sámi nuoraidorganisašuvnnaiguin álggahan kampánja man leat gohčodan “Mii galbet Norgga”.

Kárášjogas: Niitohárjji  LAN rahpan

Báiki: Niitohárji
Goas: dii. 20.00

Sámediggepresideanta Aili Keskitalo searvá.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!