Rávačoahkkin Kárášjogas – ođđa doaibmaplána birra veahkaválddi vuostá lagaš oktavuođain - Kárášjohka

Ráđđehus lea mearridan ahte galgá ráhkaduvvot ođđa doaibmaplána veahkaválddi vuostá lagaš oktavuođain mas lea sierra oassi veahkaválddi ja vearredaguid birra sámi guovlluin.

29.10 - 09:00

Dan oktavuođas bovdejit Sámediggi ja Ráđđehus rávačoahkkimii Kárášjohkii.

Áigi: golggotmánu 29. b. dii. 09.00-16.00
Báiki: Sámediggi, Kárášjogas

Doaibmaplána galgá ovdánahttit viidáseappot barggu veahkaválddi vuostá lagaš oktavuođain ja láhčit ollislaš ja oktiiordnejuvvon politihka čađaheami veahkaválddi vuostá lagaš oktavuođain. Eastadeapmi, veahkki ja suodjaleapmi, ráŋggáštusčuovvuleapmi, láhka ja njuolggadusat ja máhttu leat deaŧalaš oasit ođđa plánas. Doaibmaplánas lea maid oassi veahkaválddi ja vearredaguid birra sámi guovlluin.

Ođđa plánain galgat maiddái dustet Eurohpá konvenšuvnna geatnegasvuođaid veahkaválddi eastadeames ja dáistaleames nissonolbmuid vuostá ja veahkaválddi vuostá lagaš oktavuođain (Istanbul-konvenšuvdna) mii gustogođii Norggas skábmamánu 1. b. 2017. Konvenšuvnnas deattuhuvvo ahte dárbbašuvvo ollislaš ja oktiiordnejuvvon politihkka man oktavuođas eastadeapmi, suodjaleapmi ja ráŋggáštusčuovvuleapmi leat guovddáš oasit áŋgiruššamis.

Prográmma:

09.00 - 09.30 Rahpan Sámediggepresideantta ja Kulturministara bokte
09.30 - 09.40 Álggaheapmi Dásseárvo- ja vealahanáittardeaddji Hanne Bjurstrøm bokte
09.40 - 10.20 Sáhkavuorut Astrid Eriksen, OsloMet ja Solveig Bergman bokte, NKVTS
10.20 - 10.40 Boddu
10.40 - 11.20 Gielddaid ja organisašuvnnaid rávvagat/cealkámuš
11.20 - 12.15 Rávvagat sálas
12.15 - 13.00 Lunša
13.00 - 13.30 Eastadeapmi
13.00 - 14.00 Veahkki ja suodjaleapmi
14.00 - 14.15 Boddu
14.15 - 14.45 Ráŋggáštusčuovvuleapmi
14.45 - 15.15 Ollislaš politihkka
15.15 - 15.30 Čoahkkáigeassu ja loahpaheapmi

Mii bovdet buohkaid buktit rávvagiid/cealkámuša. Mii bivdit sin geat háliidit buktit rávvagiid 3 minuhta guhkkosaš sáhkavuorus ovdal lunšša, dieđihit iežaset sáhkavuorrolistii. Dan sáhttá dahkat go sádde e-poastta Sámediggái: ingeborg.larssen@samediggi.no. Áigi lea gárži rávvagiid buktimii ovdal lunšša ja sii geat dieđihit sáhkavuorrolistii ovddimusat ožžot saji ovddimusat.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!