10.10 - 12:00
11.10 - 13:00

Sámedikki dáiddárkonferánsa lágiduvvo Sámedikkis Kárášjogas golggotmánu 10. ja 11. beaivvi.

Dáiddárkonferánsa álgá dii 12:00 borademiin ja loahpahuvvo nuppe beaivvi dii 13:00. Dáiddárkonferánsa lágiduvvo ovttasráđiid Sámi Dáiddárráđiin.

Váldofáddá: Biras, luondu ja dáidda.

Luonddugáhttema, birasváttuid ja billistemiid leat sámi dáiddárat gieđahallan áiggiid čađa. Odne lea dát eambbo áigeguovdil go goassege ovdal go sisabahkkemat Sápmái orrot nohkkatmeahttumat.

Movt boahtá dát ovdan sámi dáidagis odne? Olaha go dáidda sidjiide geain lea váldi mearridit Ja sidjiide geain lea váldi čilget, vai dárbbahit go eará gaskaomiid? Movt sáhttit ovttasbargguin nannet iežamet jiena?

Mii leat bovden sihke ovttaskas visuála- ja filbmadáiddáriid ja dáiddaásahusaid čalmmustahttit ja digaštallat dáid fáttaid. Okta dain lea dáiddár Máret Ánne Sara guhte lea dáidaga bokte olahan viidát sihke Sámis ja gaskariikkalaččat ja čalmmustahttán boazodolliid garra birgenlági birra.

Konferánsa streamejuvvo Sámedikki neahtta-TV:s.

Gulahallanolmmoš: Seniorráđđeaddi Sara Margrethe Oskal, + 47 78 47 41 09

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!