29.8 - 10:30

Sámediggi lea ovttas Riikaantikvárain ja Dálkkádat- ja birasdepartemeanttain identifiseren ja registreren sámi visttiid mat leat sámi vistin ráfáidahttojuvvon Norggas.

Prošeavtta ulbmilin lea leamaš oažžut ollislaš gova ráfáidahttojuvvon sámi visttiin Norggas. Prošeaktaáigodagas 2011 rájes leat registrerejuvvon sullii 800 vistti, Plassje rájes lulde Deanu rádjái davvin.

Registreremat leat mielde oainnusin dahkamin sámi kultuvrra ja identitehta sihke báikkálaččat ja riikkaviidosaččat.

Loahpahančalmmusteapmi lea rabas buohkaide.

Fuom! Boađe buori áiggis. Geaidnu olgomuseai giddejuvvo dii. 10.30

Guossit geat dárbbašit veahki beassat bajás Gállogieddái sáhttet váldit oktavuođa Várdobáikki sámi guovddážiin.

 

Gállogietti prográmma:

Dii. 10.45

G.A. Ruvdnaprinsa Haakon boahtá Gállogietti olgomuseai.

Dii. 10.55             

Sámediggepresideanta Vibeke Larsen doallá buresboahtinsártni                             

Sártnit:

G.A. Ruvdnaprinsa Haakon

Dálkkádat- ja birasministtar Vidar Helgesen

Dáiddalaš guoimmuheapmi: Anna Kaisa Partapuoli ja Arctic Raven

Dii. 11.20             

Beaiveborran

G.A. Ruvdnaprinsa Haakon dearvvahan guokte vuoras olbmo ja geasseofelaččaid váldovistti ovddabealde

Dii. 12.30             

Riikaantikvára Jørn Holme doallá sártni                            

Dáiddalaš guoimmuheapmi: Lars-Ánte Kuhmunen

Dii. 12.45             

G.M. Ruvdnaprinsa Haakon vuolgá Borrái/Sieiddejohkii

Dii. 12.45             

Lars-Ánte Kuhmunen, Anna Kaisa Partapuoli ja Arctic Raven čuojahit eanet lávlagiid. Maiddái finadeddjiide lea vejolaš čájehit láđu ja Gállogietti. 

Dii. 14.00             

Gallogietti prográmma loahpahuvvo dii. 14.00

Sámediggeráđi lahttu Per Mathis Oskal lea konferansiera.

 

Borri prográmma:

Borris galgá G.A. Ruvdnaprinsa Haakon fitnat láđus maid leat restaureremin.

Vuolgin bovdejuvvon gussiide ja pressii minibussiin dii. 12.40. Ii leat vejolaš geavahit iežas biilla dan sivas go leat unnán parkerenvejolašvuođat láđu luhtte Borris.

Borri lea sullii 35,5 km eret Gállogiettis Skániid suohkanis. Mátkkoštanáigi lea sullii 40 minuhta.              

Sii geat háliidit Borris fitnat fertejit leat joavdan dii. 13.00 rádjái danne go dalle giddejuvvo geaidnu.

Dii. 13.25           

G.A. Ruvdnaprinsa Haakon boahtá Borrái/Sieiddejohkii. Sadjásaš fylkkamánni Tromssas Ingrid Hernes ja Skániid sátnejođiheaddji Helene Berg Nilsen váldiba vuostá ja sávvaba bures boahtima.

Dii. 13.30           

Čájeheapmi Borris. Sámedikki ossodatdirektevra Sunniva Skålnes jođiha čájeheami. Historjá láđu birra maid dál leat restaureremin. Duojárat čájehit teknihkaid.

Dii. 14.00

G.A. Ruvdnaprinsa Haakon guođđá Borri

Sámediggepresideanta Vibeke Larsen, riikaantikvára Jørn Holme ja stáhtaráđđi Vidar Helgesen bovdejit preassakonferánsii.

Bures boahtin!

Sámediggi, Riikaantikvára ja Dálkkádat- ja birasdepartemeanta

 

 

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!