Dieđut olbmuide geat Sámedikki galledit

Sámediggi Kárášjogas lea vuossárgga cuoŋománu 27. b. rájes fas rabas publikummii, vissis ráddjejumiiguin koronadilálašvuođa geažil. Dábálaš ofelastimiid eat vuos lágit.

Ođas | Almmuhuvvon

Sámediggi lea johtui bidjan máŋga doaibmabiju mat bures galggašedje suodjalit njoammu vuostá. Rahpanáiggit leat dego dábálaččat dii. 0800 – 1530. Sámediggi ii váldde vuostá stuorra galledanjoavkkuid, ja mii eat dál fála dábálaš ofelastimiid. Mearrádus bissehit buot ofelastimiid soahpá nationála eiseválddiid rávvagiidda, mat ain juo geassemánu 15. b. 2020 rádjái dáhttot garvit stuorra olmmošálbmogiid.

Mii bivdit Sámedikki gallededdjiid doallat unnimusat 2 mehtera gaskka, garvit ahte eanebut go 5 olbmo oktanaga čoagganit seamma sadjái, ja čuovvut dábálaš buhtistanrávvagiid.

Diehtojuohkinčállosat ja desinfekšuvdnaávdnasat leat resepšuvdnaguovllus fidnemis gallededdjiide. Resepšuvdna doaimmaha buot galledanregistrerema. Lea čielgasit merkejuvvon gokko publikum galgá čuožžut go resepšuvnnain váldá oktavuođa. Doala gaskka go lea eambbosat vuordimin.

Girjeráju guovlu lea publikummii giddejuvvon, muhto sáhttá Sámedikki iežas čoakkáldagas ávdnasiid diŋgot telefovnnas, e-poasttas dahje finademiin ja gulahallamiin girjeráju bargiiguin. Mii váldit maid vuostá ávdnasiid maid olbmot buktet.   

Sámedikkiin sáhttá maid gulahallat min guovddáštelefovnna bokte 78 47 40 00 dahje e-poasta: samediggi@samediggi.no.

Jus dus leat symptomat mat geažuhit ahte dus lea čottadávda dahje dovddat buohccin, de dáhttut du min galledit eará háve.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!