Dievva dállu čoahkkimis gielddas gos leat eanemusat ráfáidahttojuvvon sámi viesut

Dieđát go guđe gielddas leat eanemusat automáhtalaččat ráfáidahttojuvvon sámi visttit? Deanus!

IMG_2048.JPG

Duorastaga golggotmánu 3. b. ledje ollu olbmot boahtán go Sámediggi bovdii eaiggádiid ja eará berošteddjiid čoahkkimii Deanu ráđđevissui.

Ođas | Almmuhuvvon

Sámediggi lea registreren Deanus 151 ráfáidahttojuvvon sámi vistti, ja duorastaga golggotmánu 3. b. ledje ollu olbmot boahtán go Sámediggi bovdii eaiggádiid ja eará berošteddjiid čoahkkimii Deanu ráđđevissui.

Čoahkkimis čilgii Sámediggi viessoregistrerenprošeavtta birra ja Sámedikki doarjjaortnegiid birra ráfáidahttojuvvon ja gáhttenárvosaš sámi viesuid várás. Ulbmilin lei buorebut oahpásmuvvat ráfáidahttojuvvon sámi visttiid eaiggádiidda vai lea álkit váldit oktavuođa go leat gažaldagat ráfáidahttojuvvon visttiid divvuma birra.

Lagabuidda 30 olbmo bohte čoahkkimii, geat guldaledje hui dárkilit ja áŋggirdedje viššalit. Maŋŋá go kulturmuito-, areála- ja birasossodaga direktevra Sunniva Skålnes, lei sávvan buohkaide buresboahtima, de čilgejedje bargit viessoregistrerenprošeavtta birra ja Sámedikki doarjjaortnegiid birra.

Maŋŋá čilgehusa bohte ollu buorit gažaldagat ja kommentárat sálas. Sunniva Skålnes lei hui duhtavaš čoahkkimiin, ja dulko dan buori searvama signálan ahte lea dárbu lávgadeappot gulahallat ráfáidahttojuvvon sámi visttiid eaiggádiiguin. Sámediggi áigu áiggi mielde doallat sullasaš čoahkkimiid eará gielddaiguin.

Beaivvi maŋŋá čoahkkima lei maiddái dilli fitnat geahččamin muhtun ráfáidahttojuvvon visttiid ja galledit daid eaiggádiid Deanus.

Eaiggádušat go ráfáidahttojuvvon sámi vistti maid dárbbašat divvut? Muitte ahte ohcanáigemearri doarjjaortnegis Doarjjaruđat 2020 - Ráfáidahttojuvvon sámi visttit priváhta oamastusas lea skábmamánu 15. b.!

IMG_2059.JPG

Andreas Njarga muitala áitti birra mii lea Buolbmágis. Foto: Hege Schanche/Sametinget

IMG_2050, ny.jpg

Sámedikki kulturmuito-, areála- ja birasossodaga direktevra Sunniva Skålnes sávai buresboahtima. Foto: Hege Schanche/Sámediggi

IMG_2042.JPG

Detálja girkostobus mii lei álgoálggus Ohcejogas, muhto mii dál lea Árbánakjogas. Foto: Hege Schanche/Sámediggi

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!