Mii leat álgomuttus ođđa oahppoplánaid ráhkadeamis. Leatgo mii rivttes geainnu alde? Mii háliidat searvvahit oahpaheddjiid, skuvllaid, skuvlaeaiggádiid, ja earáid geain lea beroštupmi skuvlafágaide, olles proseassa bokte. Dat mearkkaša dan ahte oaččut lohkat evttohusaid árrat maiguin vel leat bargamin ja man oktavuođas oahppoplánajoavkkut leat iešguđege dásis bargamin. Danne leat evttohusain erohusat. Mii háliidat árvalusaid viidáset bargui oahppoplánaiguin, vai mis livččii buoret áigi árvvoštallat máhcahandieđuid dis ja dahkat rievdadusaid. Giđđat boahtá almmolaš gulaskuddan loahpalaš oahppoplánaárvalusaide.

Guovddášelemeanttat – deaŧaleamos maid oahppit galget oahppat juohke fágas – mearriduvvojedje geassemánus 2018 ja dat leat vuođđun oahppoplánaevttohusaide.

Don sáhtát buktit árvalusaid ovtta dahje máŋgga fágii. Evttohusat juohke ovttaskas oahppoplánii sierra fágain leat sierra notáhtan. Gažaldagaid gávnnat juohke ovttaskas oahppoplánateavsttas. Go de leat vástidan gažaldagaide maid háliidat, de deaddilat vurke ja sádde. Jos háliidat oaidnit olles evttohusa pdf-formáhtas, gávnnat fiilla gažaldagaid vuolde. Doppe gávnnat maiddái oahppoplánaid jorgalusaid sámegielas vuosttašgiellan ja sámegielas nubbingiellan davvisámegillii pdf-formáhtas.

Buot oahppoplánain galgá leat sámi sisdoallu, ja galgá leat nannejuvvon sámi sisdoallu sámi paralealla dásseárvosaš oahppoplánain. Dainna barget buot oahppoplánajoavkkut. Dán muttus leat sii evttohan veaháš sierralágan čovdosiid mii mearkkaša ahte sámi sisdoallu lea veaháš sierralágan fágaid rastá.

Áigemearri buktit árvalusaid/rávvagiid lea skábmamánu 14. beaivvi.

Geahča oahppaplánaevttohusaid ja buvtte rávvagiid

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!