Heađuštit go stáhtaráját ovttasbarggu?

Leat go din ásahusas vásihusat ahte stáhtarájit leat buktán hástalusaid ja váttisvuođaid? Sámi rádjahehttehuslávdegoddi háliidivččii diehtit din vásihusaid birra ja sihtá árvalusaid iežas bargui.

Det samiske grensehinderutvalget.JPG

Sámi rádjahehttehuslávdegoddi: Anders Kråik, lahttu (Ruoŧa bealde), Runar Myrnes Balto, lávdegotti jođiheaddji (Norgga bealde), Ulla Magga, lahttu (Suoma bealde)

 

 

Ođas | Almmuhuvvon , ođasmahtton

Sámi rádjahehttehuslávdegotti lea Sámi Parlamentáralaš Ráđđi (SPR) nammadan, mii lea golmma sámedikki ovttasbargoorgána. Lávdegotti bargun lea identifiseret nu gohčoduvvon rádjahehttehusaid mat váttásmahttet ovttasbarggu ja oktavuođa sámiid gaskka iešguđege stáhtarájáid bealde, ja buktet hástalusaid olbmuide, bearrašiidda, organisašuvnnaide, ásahusaide dahje ealáhusaktevrraide.

Leat go din organisašuvnnas vásihusat maid lávdegoddi galggašii diehtit? Váldde oktavuođa minguin ja čále čujuhussii samediggi@samediggi.no ja merkes e-poastta “sámi rádjahehttehuslávdegoddi”. Áinnas sáhtát čilget du hástalusaid birra. Lávdegoddi háliida oažžut áddejumi viidát hástalusaid birra maid ráját Sámis dagahit.  Lávdegoddi háliida árvalusaid ovdal cuoŋománu 15. beaivvi dán jagi.

Ovdamearkkat fáttáide mat leat relevánta lávdegoddái:

  • Bargu – go rasttilda stáhtaráji bargui manadettiin
  • Riikavulošvuohta/stáhtaborgárvuohta – olbmuid ja bearrašiid hástalusat das go “ásset guovtti riikkas”
  • Skuvla – vuođđoskuvlaovttasbargu rádjaguovlluin
  • Alit oahppu – oktasaš sámi oahput ja studeantaeallin
  • Dearvvašvuohta – fálaldat rádjaguovlluin ja oktasaš fálaldagat
  • Duodji, vuovdin ja kultuvra – kulturbargu ja vuovdin nuppi beallái rájá
  • Boazodoallu rádjaguovlluin – boraspirepolitihkka maiddái buhtadusáššit, šibitdoavttiráššit jna. (lávdegoddi ii áiggo árvvoštallat guohtonášši)
  • Prošeaktastivren – doarjjaortnegat ja oktasaš prošeavttat

Lávdegotti lahtut leat:

Runar Myrnes Balto, lávdegotti jođiheaddji (Norgga bealde)
Anders Kråik, lahttu (Ruoŧa bealde)
Ulla Magga, lahttu (Suoma bealde)

Govva

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!