Ođđa mandáhttajuohku Sámedikkis

Gáisi válgabiire oažžu ovtta ođđa mandáhta, ja Ávjovári válgabiire ges massá ovtta mandáhta. Dat lea boađus go Sámediggi lea juohkán mandáhtaid daid vuođul mat ledje čálihuvvon válgajienastuslohkui 30.06.19 rádjai.  

Ođas | Almmuhuvvon

– Mu mielas lea illudahtti go eanet ahte eanet olbmot čálihuvvojit Sámedikki válgajienastuslohkui. Mun sávan maid lihku Gáisi válgabiirii iežaset ođđa mandáhtain, dadjá Sámedikki dievasčoahkkima jođiheaddji Tom Sottinen. 

Lassáneapmi gávpogiin

2019 lea gaskajahki gos dat olbmot, geat ledje čálihuvvon válgajienastuslohkui 30.06.19 rádjai, mearridit movt mandáhttajuohku šaddá 2021 sámediggeválggain. Geassemánu 30. beaivvi 2019 ledje oktiibuot 18.103 olbmo čálihuvvon Sámedikki válgajienastuslohkui.

– Dál leat 1145 eambbo olbmo čálihuvvon jienastuslohkui 2017 válggaid rájes. Lea čielggas ahte stuora gávpogiin lassánit čáliheamit, dadjá Sottinen.

Válgabiiriid mielde lea juohku ná:

VálgabiireČáliheamit jienastuslogusMandáhtatRievdadeamit
Nuorta23665Eai
Ávjovárri36427-1
Davvi27316Eai
Gáisi27456+1
Viesttarmearra 19235Eai
Lulli-Sápmi12994Eai
Lulli-Norga33976Eai

30.06.19 leat 18.103 olbmo čálihuvvon Sámedikki válgajienastuslohkui.

Gulahallanolmmoš: Tom Sottinen, tel. +47 412 72 386

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!