PRD: Ávžžuha čájehit Jikŋon II filmma sámegillii

Sámediggepresideanta Aili Keskitalo ávžžuha kinoid miehtá riikka čájehit davvisámegielat veršuvnna filmmas Jikŋon II.

Jikŋon II.JPG

Jikŋon II

Ođas | Almmuhuvvon

2019 lea ON riikkaidgaskasaš álgoálbmotgiellajahki ja mii heive vel buorebut go dat ahte Disney-čuovvu Jikŋon II boahtá sámegillii. Filbma lea dahkkojuvvon sámevuođa vuođul ja lea šaddan lávga sámi-amerihkalaš ovttasbarggu bokte mii lihkostuvai. Filmma ovdal čájeheapmi lea juovlamánu 14. b. ja premieara lea juovlamánu 25. b.

– Hui illudahtti lea dat go davvisámegielat veršuvnnas lea vuosttaš čájeheapmi oktanaga davviriikkalaš gielaiguin. Dát mearkkaša dan ahte sámi veršuvdna lea oassi fuomášumis ja buot maid vuosttaš čájálmas mielddisbuktá. Mun rámiidan Walt Disney Animation Studios go oainnusmahttá ja dohkkeha sámegiela dieinna lágiin, dadjá sámediggepresideanta.

Ollu sajiin lea juo plánejuvvon sámegielat filmma čájeheapmi. Sámediggepresideanta ávžžuha eambbogiid čájehit filmma.

– Mun ávžžuhan eanet kinoid čájehit davvisámegielat filmma. Gos leat unnit sámi álbmot, de sáhttá leat vuogas gulahallat báikkálaš sámi birrasiiguin gávdnan dihtii heivvolaš čájehanbeivviid. Sihke gilikinot ja stuorát kinot berrejit buohkat dovdat sin oahppaladdanáiggi, dadjá sámediggepresideanta Aili Keskitalo.

Oktavuođaolmmoš: Politihkalaš ráđđeaddi Eirik Larsen, mob. 970 80 217

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!