PRD: Doarjja nuorra guolásteaddjái

Sámediggeráđđi lea addán doarjaga nuorra guolásteaddjái Unjárgga gielddas guhte áigu ásahit guolástusealáhusas iežas fatnasiin.

Ođas | Almmuhuvvon , ođasmahtton

Jo Ande Bongo Dikkanen (privat foto).jpg

Jo Ánde Bongo Dikkanen (priváhta govva)

Sámediggeráđđi attii 300 000 ru doarjjan Jo Ánde Bongo Dikkanenii, 200 000 ru fatnasii mii lea 31 juolggi guhkkosaš, ja doarjja reaidduid ja dávviriid oastimii, nugo firpmiid ja liidnadávviriid.

Dikkanen lea nuorra 21 jahkásaš guhte ulbmildiđolaččat áigu áŋgiruššat ealáhusas mii maŋimuš jagiid lea sakka ahtanuššan juste Unjárgga gielddas.

Sámediggeráđđi Silje Karine Muotka dadjá ahte Sámediggi háliida ahte riddolagaš fatnasiin galgá leat vejolašvuohta ahtanuššat ja ovdánit mearrasámi guovlluin.

– Dalle fertet mii doarjut nuorra guolásteddjiid geat háliidit áŋgiruššat. Dát lea deaŧalaš maiddái go jurddašit ođđarekrutterema guolástusámmáhii. Dat nannešii maiddái ássama, árvoháhkama ja barggolašvuođa mearrasámi guovllus. Doarjja nuorra guolásteaddjái Unjárggas lea okta buorre ovdamearka álggalaš ja ulbmildiđolaš miellaguddui háhkat boahtteáiggi guolástusealáhusas, ja maid Sámediggi vuoruha doarjut, dadjá duhtavaš Silje Karine Muotka.

Jus leat gažaldagat dahje áiggut jearahallama, váldde oktavuođa sámediggeráđiin Silje Karine Muotka, mob. +47 984 87 576

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!