Musihkkaalmmuhemiid ulbmil lea ovddidit buori sámi musihka mii ollá ollugiidda. Dán jagi lea juolluduvvon doarjja sihke ođđaáiggi ja árbevirolaš sámi musihkkii.

- Sámi musihkka lea deaŧalaš ja áidnalunddot oassi min kulturovdanbuktimis. Ohcamat ja juolludeamit čájehit ahte dán suorggis dáhpáhuvvá ollu mii lea gelddolaš. Ollu šaŋerat leat mielde ja ollu nuorra artisttain lea alla dássi, dadjá sámediggeráđđi Henrik Olsen.

Oktiibuot lea juolluduvvon doarjja 19 almmuheapmái. Dáin leat máŋga nuorra artistta, earret eará Marja Helena Fjellheim Mortensson, Felgen Orkester, ISÁK ja Rune Persen Utsi. Lea maiddái juolluduvvon doarjja máŋa luohtealmmuheapmái, ovtta árbevirolaš juovlaskerrui sámegillii ja musihkkaalmmuhemiide mánáide.

- Mii leat ilus go ollugiin lea árbevirolaš dahje ođđaáiggi luohti mielde musihkas, lasiha Olsen.

Tabealla musihkka.jpg

Dán jagi ohcanhivvodat lei badjelaš 4 miljon ruvnnu.

Jearahallama várás sáhttá váldit oktavuođa Henrik Olseniin. Tel. 907 75 219

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!