PRD: Guolástusdirektoráhta badjelgeahččá Stuorradikki mearrádusa

Guolástusdirektoráhta lea 08.11. rahpan vejolašvuođa bivdit norgga giđđagođđi sallidiid Návuonas ja Ráisavuonas.

Ođas | Almmuhuvvon

– Mun reageren hui garrasit go guolástusdirektoráhta lea rahpan vejolašvuođa bivdit nuhtiin norgga giđđagođđi sallidiid Návuona ja Ráisavuona vuotnalinjá siskkobealde, beroškeahttá fanasguhkkodagas. Guolástusdirektoráhta iige guolástusdepartemeanta váldde vuhtii Stuorradikki mearrádusa mainna gildojuvvo guhkkodatrájiid atnui váldin guolástusas vuonaid siste, dadjá sámediggeráđđi Silje Karine Muotka.

Silje Karine Muotka.jpg
FOTO | Sámediggeráđđi/sametingsråd Silje Karine Muotka (Foto: Kenneth Hætta)

Proposišuvnnas 70 L (2011-2012), nannejuvvo ahte lea oppalaš gielddus bivdit vuotnalinjáid siskkobealde fatnasiin mii lea badjel 15 mehtera doaibmaguovllus. Proposišuvnnas čuožžu ná:

"Departementet meiner difor at det skal etablerast eit generelt forbod mot fiske innanfor fjordlinjene for fartøy over 15 meter i verkeområdet, og at det skal vere opning for å gjere unntak frå dette forbodet. Slik departementet ser det kan spørsmål om kva fartøy som kan få unntak frå forbodet, om fjordlinjene er sett fornuftig og liknande, vere noko ei fjordfiskenemnd kan drøfte og uttale seg om."

Nugo boahtá ovdan proposišuvnnas 70 L, de sáhttá muhtun oktavuođain addit lobi bivdit fatnasiin mii lea badjel 15 mehtera vuotnalinjáid siskkobealde, muhto dalle galgá áššái vižžojuvvot cealkámuš vuotnaguolástanlávdegottis, masa Sámediggi lea ovttaoaivilis.

– Guolástusdirektoráhta ii leat bidjan ášši vuotnaguolástanlávdegoddái iige Sámediggái. Stuorradikkis lei eaktun ahte ovttaskas sierra lobiid galggai duođaštit ja ákkastit vejolaš sierra lobiid ja gulahallat sihke vuotnaguolástanlávdegottiin ja Sámedikkiin ovdal go sierra lohpi addojuvvo. Njuolggadusat leat čielgasat, ahte lea ollislaš gieddus mas sáhttá spiehkastit, iige nuppe láhkai, ja dán mii eat sáhte dohkkehit, dadjá Muotka.

Sámediggi oaivvilda ahte bivddu rahpan fatnasiidda mat leat badjel 15 mehtera suhttada ja dat duolbmá Stuorradikki mearrádusa ja dan ovttamielalašvuođa mii mis šattai stáhta eiseválddiid ja Sámedikki gaskka áššis, dadjá sámediggeráđđi Silje Karine Muotka.
– Dát lea áibbas dohkketmeahttun, dadjá Muotka

Jearahallama addá dahje vástida gažaldagaide sámediggeráđđi Silje Karine Muotka, mob +47 984 87 576.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!