PRD: Nanne sajis máttasámi giellaguovllus

Sámediggi almmuha ođđa ásahuvvon gaskkusteaddjivirggi máttasámi guovllus mas bargobáiki lea Árborde, ja rahpá nu ovccát kánturbáikkis.

86280621_528373714479955_3687700074722230272_n.jpg

Sijti Jarnge - Samisk kultur- og utviklingssenter

Ođas | Almmuhuvvon

Sámedikkis leat dál gávcci kánturbáikki Vuonnabađa rájes davvin Snåase rádjai máddin. Giđđat 2020 almmuhuvvojit guokte gaskkusteaddjivirggi mat galget árjjalaččat bargat sámi girjjálašvuođa bagademiin ja gaskkustemiin. Nubbi virgi biddjojuvvo Árrana julevsáme guovddážii Hábmeris, gos Sámedikkis lea juo kánturbáiki, ja nubbi virgi biddjojuvvo sámi kultur- ja ovddidanguovddážii Sijti Jarnge Árbordes.

DSC_3784 (2).JPG

Sámedikki direktevra Rune Fjellheim

– Lea hui illudahtti go mii gaskkusteaddjivirggiin Árbordes nannet iežamet saji ain eanet máttasámi giellaguovllus. Mii leat ilus go Sijti Jarnge lea sávvan Sámediggái buresboahtima sin guovddážii. Min mielas lea buorre go Sámediggi sáhttá dahkat lávgadit ovttasbarggu sámi aktevrraiguin Árbordes ja birrasis, dadjá Sámedikki direktevra Rune Fjellheim.

Juohkit máhtu sámi girjjálašvuođa birra

Ođđa ásahuvvon gaskkusteaddjivirggit galget bargat árjjalaččat sámi girjjálašvuođa bagademiin ja gaskkustemiin, ja galget buoridit máhtu sámi girjjálašvuođa ja kultuvrra birra girjerádjosiidda, mánáidgárddiide, skuvllaide ja earáide mátta- ja julevsámi giellaguovllus, dávistettiin dievasčoahkkima mearrádussii “Sámi girjjálašvuođa gaskkusteapmi”, mii dahkkojuvvui čakčamánus 2018.

Sámediggi áigu giđđat almmuhit guokte virggi.

– Diet leat guokte gelddolaš virggi man oktavuođas mii ohcat iešheanalis ja roahkkadis olbmuid geain váibmu coahkká sámi girjjálašvuhtii ja geain lea buolli hállu doaibmat gaskkusteaddjin. Mii illudit fas mannat Árbordii formálalaččat rahpat iežamet ođđa kánturbáikki, seammás go váldit vuostá ođđa mielbargiid, dadjá Sámedikki direktevra.

Sámedikki hálddahus galledii Sijti Jarnge dán vahkus man oktavuođas geahčadeimmet earret eará kánturlanjaid ja ságasteimmet doaimma birra viidáseappot. Vejolaš lea maiddái ahte eará virggit Sámedikki hálddahusas biddjojuvvojit Árbordii go guovddážis lea guoros kánturkapasitehta.

Eanet dieđuid addá direktevra Rune Fjellheim, tel: 910 09 320, rune.fjellheim@samediggi.no

Sijti Jarnge - Samisk kultur- og utviklingssenter.jpg

Sijti Jarnge - Samisk kultur- og utviklingssenter

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!