PRD: Sámediggeráđđi doarju nuorra álggaheaddji guollebivdi Davvinjárggas

Sámediggi juolluda 300 000 ruvnno nuorra guolásteaddjái Davvinjárggas gii háliida bivdigoahtit iežas fatnasiin.

Ođas | Almmuhuvvon

Beroškeahttá agis, de lea 20 jahkásaš Sivert Aleksander Heløy, bargan guolásteaddjin máŋga jagi juo. Dál áigu son oastit su vuosttaš bivdofatnasa, ja Sámediggi lea juolludan sutnje 300 000 ruvnno dán oastimii. 

– Min doarjjaortnet lea sidjiide geat áigot oastit sin vuosttas bivdofatnasa. Mii leat movttegat go sáhttit geavahit min doarjjaortnega veahkehit nuorra guolásteaddji dego Sivert, ja maid čájehit ahte investeren boahtá leat gánnihahtti guhkit áigái, dadjá sámediggeráđđi Silje Karine Muotka (NSR). 

Ovttaolbmofitnodat SAH Heløygutt Sivert Aleksander Heløy lea ásahuvvon 2020 giđa. Sivert Aleksander Heløy gullá guolástanbearrašii, ja son lea aktiivvalaččat leamaš fárus guollebivddus dan rájes go lei 13 jahkásaš. Dál háliidan son oastit iežas fatnasa ja bivdoeari, ja álgit iešheanalaš guolásteaddjin. 

Guolástanealáhus addá barggu ollugiidda máŋgga sámi guovlluin, ja ulbmil Sámedikki doarjjaortnegiin bivdofatnasiid oastimii lea ge oččodit eambbogiid bargagoahtit ealáhusas. Sámediggi háliida lasihit riddoguolástanfatnasiid mearrasámi ássanguovlluin, ja vuoruha doarjaga nuorra guolásteddjiide geat dahket vuosttašgearddeinvesterema.   

– Lea hui suohtas oaidnit nuorra rávisolbmuid geat áŋgiruššet guolástusealáhusas, ja sámediggeráđđi áigu dasa veahkkin. Sámediggi ii leat juolludan buot doarjjaruđaid ja ávžžuha ge eambbogiid geat áiggoše oastit vuosttaš bivdofatnasa ohcat doarjaga, loahpaha Muotka. 

Doarjja addo doarjjaortnegis Vuođđoealáhusat, doarjja mariidnaealáhusaide: Bivdofatnasiid vuosttaš gearddi investeren.    

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!