PRD: Sámediggi doarju mearrasámi barttaid bealle miljovnnain

Sámediggeráđđi lea juolludan 500.000 ruvnnu doarjjan Manndalen Sjøbuerii, mii dál áigu ođasmahttit iežas barttaid gávcci sámi jahkodagaid inspirašuvnnain.

Ođas | Almmuhuvvon

Manndalen Sjøbuer ozai ruđaid ođasmahttit gávcci bartta Olmmáivákkis, Ivgovuonas Davvi-Romssas. Fitnodat háliida bierggastit barttaid gávcci sámi jahkodagaid inspirašuvnnain, ja fitnodagas lea maid čielga mearrasámi profiila.

– Lea hui buorre go leat fitnodagat mat loktejit oidnosii mearrasámi kultuvrra, ja Sámis eai leat galle dakkára. Manndalen Sjøbuer lea buorre ovdagovvan earáide geat háliidit searaid bidjat dán suorgái, dadjá sámediggeráđi Henrik Olsen, gii ieš lea dán guovllus eret.

Manndalen Sjøbuer beaivválaš jođiheaddji Henrik Solberg lea maid mielde Johtit mátkeealáhusprošeavttas maid Sámediggi lea vuolggahan, ja lea lassin dasa bures hárjánan aktevra.

– Mis leat máŋga smávva fitnodaga davvin mat leat gilvojuvvon viiddis geográfalaš guvlui. Danne lea Sámedikki mielas ovttasbargu fierpmádaga bokte hui guovddážis, nugo ovdamearkka dihte Johtit prošeavttas. Mii leat maid hui rámis go Sámediggi lea mielde gelbbolašvuođa loktemin ja fierpmádagaid huksemin sámi fitnodagaide. Mii leat ilus go sáhttit leat mielde ovddideamen Manndalen Sjøbuer ain eanet, dadjá sámediggeráđđi Silje Karine Muotka, geas lea ovddasvástádus ealáhussuorgái.

Gažaldagat dahje jearahallan: Sámediggeráđi Silje Karine Muotka, tlf: 984 87 576

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!