Sámediggi raportere ON:i luonddulihkahallamiid birra

ON earenoamášraportevra buotlágan nállevealahemiid vuostá E. Tendayi Achiume lea dáhtton cealkámuša buktit áššiide mat gusket luondduresursabuvttadeapmái temáhtalaš raportii luondduresurssaid buvttadeami ja nállevealaheami birra. Sámediggi lea dan oktavuođas ráhkadan raportta mas guovddážis lea minerálaid ja oljju buvttadeapmi, geaidnohuksen ja bieggafápmu, ja mo dat váikkuhit sámi ealáhusaid.

Ođas: Almmuhuvvon

Sámediggi ii leat ovdal buktán dákkár cealkámušaid, muhto čalmmustahttá raporttas guovddáš beliid mat leat relevánta máŋgga luonddulihkahallamiidda sámi guovlluin. Dáin guovlluin lea sámi geavaheapmi ja ealáhusdoaibma, earret eará boazodoallu ja luossabivdu.

Dáinna raporttain Sámediggi čalmmustahttá earenoamášraportevrii hui áigeguovdilis áššiid Norggas, nugo ovdamearkka dihte ruvkedoaibma Fálesnuoris ja bieggamillohuksen Fosenis. Earenoamášraportevrra raporta galgá ON:i ovddiduvvot 2019 geassemánu rádjái.

Eanet dieđuid raporterema birra gávnnat dás.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!