PRD: Stuorra beaivi Saemien Sijtii ja Sápmái!

Sámediggeráđđi lea hui ilus dainna go Saemien Sijte viimmat dál oažžu juolludemiid ođđa vistái Snoasai. Odne bođii ovdan ahte ráđđehus áigu stáhtabušeahtas árvalit álggahanjuolludeami Saemien Sijtii, ja ahte visti galgá gárvvis 2021:s.

Ođas | Almmuhuvvon , ođasmahtton

- Háliidan vuosttažettiin doalvut lihkusávaldagaid Saemien Sijtii ja lullisámi birrasii go viimmat orru Saemien Sijte oažžume ođđa ja árvvolaš visti lullisámiide ja lullisámekultuvrii. Seammás sáhttá maid dadjat ahte otná beaivi lea stuorra illubeaivi olles Sápmái, dadjá Sámediggeráđđi Henrik Olsen.

Lullisámit leat badjelaš 30 jagi bargan oččodit ođđa lullisámi musea ja kulturguovddáža. Sámedikkis lea guhká leamaš nanu politihkaš ovttaoaivilvuohta gaskal bellodagaid ahte Saemien Sijte lea okta dain stuorámus vuoruhemiin Sámedikkis.

Stáhtabušeahtta almmuhuvvo mánnodaga dii. 10.

Oktavuođaolmmoš sámediggeráđđi, Henrik Olsen, tlf: 915 42 098.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!