Deaivvadeapmi Mázes, ulbmiliin ásahit ođđasit Mázejoavkku dálu

Sámediggi bovde golmma beaivvi čoahkkaneapmái Mázes, ulbmiliin ođđasit ásahit legendáralaš Mázejoavkku dálu ja dáiddabájiid. 

OCA-2640.jpg
Bilde tatt utenfor kunstnerverkstedet i Masi da documenta var i Karasjok i august 2016. Fra venstre: Antonio Cataldo, Andrea Linnenkohl, Jan-Erik Lundström, Geir Tore Holm (2. rad), Candice Hopkins, Adam Szymczyk, Synnøve Persen, Ellen Turi Guttormsen, Katya García-Antón. Foto: OCA / Liv Engholm

Ođas: Almmuhuvvon

Office for Contemporary Art Norway (OCA) doarju ja viiddida bovdehusa, ja bovde dál Sámi ja álgoálbmot dáiddáriid searvat bargobájiide ja paneladigaštallamii, mat lágiduvvojit čakčamánu 24.-26. b. 2017 Mázes. 

Ovttas báikkálaš oasálaččaiguin Sámis, guovlludási ja riikkaidgaskasaš ráđđeaddiiguin ja doarjuiguin, Sámediggi lea bargagoahtán legendáralaš Mázejoavkku: Sámi Dáiddajoavkku dálu ođđasit ásahemiin, mii sisdoallá ásodaga ja dáiddabájiid. 

Mázejoavkku: Sámi Dáiddajoavkku birra

TrygveLG.jpeg
Artist and Sámi Artists’ Group member Trygve Lund Guttormsen during a meeting in 1979 in Máze between the Sámi Artists’ Group and Hålogaland Teater. Photo: Ola Røe

Dáiddáriid dállu ásahuvvui 1978 Mázejoavkku: Sámi Dáiddajoavkku váldobáikin. Mielde ledje Aage Gaup (r.1943), Synnøve Persen (r.1950), Josef Halse (r.1951), Keviselie/Hans Ragnar Mathisen (r.1945), Trygve Lund Guttormsen (1933–2012), Ranveig Persen (r.1953), Berit Marit Hætta (r.1948) ja Britta Marakatt-Labba (r.1951).

Dállu lei politihkalaš aktivismma katalysáhtor 1970-logus, ja lea leamaš luovvalas energiija mávssolaš gáldu guovllus gitta dan rájes. Trygve Lund Guttormsenis lei erenoamáš mearkkašupmi báikki doalaheamis dassáigo son guđii min 2012. 

Mázejoavku: Sámi Dáiddajoavku lei vuosttaš nuorra dáiddáriid buolva soađi maŋŋá, mii lei rámis iežas duogážis, ovdanbuvttii sámevuođa heahpankeahttá ja gáibidišgođii ođastuvvon saji Sámis dan láhkai ahte dat ákkastallagođii ja digaštallagođii Sámi jurddašeami dáidaga bokte. Mázejoavkku: Sámi Dáiddajoavkku barggu ávvudit documenta 14 ‑čájáhusa olis, gosa golbma lahtu leat bovdejuvvon. 

Ealáskahttit dáiddárdálu fas

Dáiddárdálu ealáskahttinproseassa olis lágidit iešguđet dáhpáhusaid, vuosttamužžan bargobáji álgoálbmotmetodologiijaid birra, man ulbmiljoavkun leat Sámi dáiddárat ja kuráhtorat. Báji jođiha Harald Gaski ovttas girječálliin ja d14-kuráhtoriin Candice Hopkinsain, professor Rauna Kuokkaneniin ja Jelena Porsangeriin.

Nubbi lea musihkkabargobádji mas guorahallat jienaid báddema luonddus, ja dainna bargaba beakkán musihkar ja komponista, Johan Sara Jr., gii orru Mázes, ja eksperimentála komponista ja dáiddár Raven Chacon.

Goalmmát bargobájis guorahallet álgoálbmotestetihka giela dáidaga, duoji ja luovvalasvuođa suorggis, ja das leat ovdanbuktimat ja interaktiiva ságastallamat dáiddáriiguin Gunvor Guttorm, Britta Marakatt-Labba ja Julie Edel Hardenberg. Čájehit maiddái oasi jearahallanráiddus, main Rossella Ragazzi ja Terje Brantenberg jearahalaiga Trygve Lund Guttormsena 2008. Jearahalli guovttos leaba Tromssa universiteahttamusea vuosttašamanuenssat, Norgga árktalaš universiteahtas. 

Dás oainnát olles prográmma.

Utstillingsåpning La elva leve

Váldodáhpáhusaiguin buohtalagaid čájeha RiddoDuottarMuseat dokumentašuvnna ja muhtun dáidagiid mat čájehit Máze rolla Álttá akšuvnnaid áigge 1970:s. Čájáhusrahpan lea Oves varesenter kafeas Mázes čakčamánu 24. beaivvi dii. 18.

Čájáhus Dokumentasjonssenter La elva leve galgá čájehit dan mii livččii sáhttán leat dokumentašuvdnaguovddáš Mázes Álttá-Guovdageainnu-ášši birra. Musea lea fokuseren earret eará olmmošlaš beliide ja eará váikkuhusaide Álttá-Guovdageainnu áššis.

Eanet dieđuid dáiddačoahkkaneami birra addá Sámedikki ráđđeaddi Silja Somby: +47 78 48 42 30. Jus áiggut dieđihit dása mielde, čális epostta Ida Marie Ellinggard.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!