Áššemeannudeaddji - Bušeahtta- ja ovttastahttinjuogus - 2. almmuheapmi

Sámedikki hálddahusossodagas lea rabas bistevaš áššemeannudeaddjivirgi bušeahtta- ja ovttastahttinjuhkosis.
Álgin farggamusat.

Ođas | Almmuhuvvon , ođasmahtton

Bargosadji lea muhtun Sámedikki kánturbáikkiin gos lea guoros sadji. Dál leat mis guoros sajit Kárášjogas, Guovdageainnus, Gáivuonas, Unjárggas, Skániin, Snoasas ja Divttasvuonas.

Barggut

Hálddahusossodaga váldobargun lea fállat sihkkarasis, buriid, árjjalaš ja boahtteáigái čujuheaddji bálvalusfálaldagaid min geavaheddjiide, mii lea lea politihkalaš ja hálddahuslaš dásis. Dat mearkkaša ahte min geavaheaddjit galget dovdat duohta ávkki min bálvalusain, ja min bálvalusat galget leat heivehuvvon geavaheddjiid dárbbuide sihke sisdoalu, bálvalusaid ja kvalitehta dáfus. Dasto galgat mii bálvalusaid bokte láidestit ovdánahttimii ja beavttálmahttimii.

Mii ohcat áššemeannudeaddji geas lea gelbbolašvuohta ja beroštupmi ovdánahttit Sámedikki statistihkaid, analysaid ja čielggademiid, ja Sámedikki dieđáhusbarggu.

Bargosuorggit:

  • Ovdánahttit Sámedikki statistihka
  • Čuovvulit SSB sámi statistihka
  • Čuovvulit sámi statistihka fágalaš analysajoavkku ja jahkásaš publikašuvnna Sámi logut muitalit
  • Bajit ovddasvástádus Sámedikki dieđáhusbargui
  • Analysat ja čielggadeamit mat leat čadnon Sámedikki bušeahttadárbui
  • Veahkkin ráhkadit jahkásaš stuoradiggedieđáhusa sámegiela ja sámi servodateallima birra
  • Veahkkin ráhkadit Sámedikki bušeahta
  • Veahkkin ráhkadit Sámedikki jahkeraportta
  • Rávvet ja oahpahit
  • Virgái sáhttet biddjot eará barggut Sámedikki doaimmas.

Gelbbolašvuohta

Gáibiduvvo oahppu masterdásis, vuosttažettiin fágasurggiin servodatekonomiija, servodatekonomalaš analysa, statistihkka dahje sullasaš. Bargovásáhus servodatekonomalaš analysabarggus, statistihkkabarggus, čielggadusbarggus ja analysabarggus sáhttá buhttet váilevaš oahppogáibádusa ja spesialiserema muhtun muddui, muhto gáibiduvvo unnimusat oahppu bachelordásis dahje sullasaš oahppu.   Sámegielmáhttu deattuhuvvo mearrideaddjin ohcciid gaskkas geain muđui lea seammalágan gelbbolašvuohta.

Muđui deattuhuvvo:

  • Máhttu sámi servodatdiliid birra
  • Iešheanalašvuohta ja analyhtalaš gálggat
  • Dáidu hutkkálaš vuogi mielde jurddašit ja gávdnat čovdosiid
  • Hárjáneapmi almmolaš hálddašeamis
  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta
  • Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1408 vuosttaškonsuleanta dahje 1434 ráđđeaddi, ovdalis vásáhusaid ja gelbbolašvuođa vuođul.

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Máškidis bargoáigi ja buorit čálgoortnegat
  • Buorre bargobiras mas don leat okta váikkuheddjiin

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Ohccit geat eai hálddaš sámegiela go virgáduvvojit, sáhttet ovttasráđiid bargoaddiin geatnegahttojuvvot váldit oahpu sámegielas.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahčalanáigi.

Oktavuohta

Eanet dieđuid virggi birra oaččut go válddát oktavuođa:

  • Ossodatdirektevrrain Tommy SombyTlf. +47 958 22 121 tommy.somby@samediggi.no 
  • Fágajođiheddjin Veslemøy DahlTlf. +47 78 47 40 00 veslemoy.dahl@samediggi.no

Ohcan

Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".

Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Oza bargui

Ohcanáigemearri

Čakčamánu 29. beaivvi 2019

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!