Bargobáiki lea muhtun Sámedikki kánturbáikkiin gos lea guoros kántorsadji. Dál leat guoros kántorsajit Kárášjogas, Guovdageainnus, Gáivuonas, Unjárggas, Skániin Snoasas ja Divttasvuonas.

Juhkosa ovddasvástadussuorggit

  • Gulahallan ja diehtojuohkin Sámedikki doaimma birra
  • Redaktevra Sámedikki neahttasiidduin ja eará kanálain maid Sámediggi atná iežas doaimmas
  • Sámedikki visuála identitehta ja gráfalaš profiila
  • Hábmet ja ođastit diehtojuohkingihppagiid ja publikašuvnnaid Sámedikkis
  • Gulahallanfágalaččat veahkehit politihkalaš jođiheami ja hálddahusa
  • Media- ja servodatoktavuohta
  • Sámedikki resepšuvdna ja telefovdnaguovddáš
  • Ráđđečoahkkimiid čađaheapmi
  • Kriisadustehus

Barggut

Fágajođiheaddji galgá jođihit gulahallanjuhkosa addojuvvon fápmudusaid mielde ja raporteret ossodatdirektevrii. Lassin dábálaš áššemeannudeapmái, ráđđeaddimii ja bagadeapmái juhkosa fágasuorggi siskkobealde, galgá fágajođiheaddji fuolahit ahte fágasuorgi hálddašuvvo buori vuogi mielde. Fágajođiheaddji galgá čuovvut mielde ovdáneami fágasuorggis, fágalaččat bagadit bargiid ja doallat oktavuođa geavaheddjiiguin, ovttasbargoguimmiiguin ja mielbargiiguin.

Barggut fápmudusaid vuođul:

  • Juhkosa fágalaš ovddasvástádussuorggi čuovvoleapmi
  • Juhkosa mielbargiid bargiidčuovvoleapmi
  • Bušeahttahálddašanfápmudus

Fágajođiheaddji ferte rehkenastit ahte ovddasvástádussuorggit ossodagaid siskkobealde fátmmastit muhtun muddui nubbi nuppi. Dárbu lea bargat lávga ovttas fágajođiheddjiiguin ovddasvástádussurggiiguin.

Gelbbolašvuohta

Virgái gáibiduvvo vuosttažettiin olmmoš geas lea oahppu mastergradadásis, gulahallamis, journalistihkas dahje servodatfagain. Guhkes ja áigeguovdilis bargohárjáneapmi gulahallanfágas dahje journalistihkas sáhttá kompenseret váilevaš oahpu. Jođihanhárjáneapmi deattuhuvvo. Gáibiduvvo gelbbolašvuohta sámegielas, sihke čálalaččat ja njálmmálaččat, ja ferte maiddái hálddašit ovtta skandináva giela ja eŋgelasgiela.

Mii deattuhit:

  • Máhttu sámi servodatdiliid birra
  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1211 juogusjođiheaddji.

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Máškidis bargoáigi ja buorit čálgoortnegat
  • Buorre bargobiras mas don leat okta váikkuheddjiin

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Ohccit geat eai hálddaš sámegiela go virgáduvvojit, sáhttet ovttasráđiid bargoaddiin geatnegahttojuvvot váldit oahpu sámegielas.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahčalanáigi.

Oktavuohta

Eanet dieđuid virggi birra oaččut go válddát oktavuođa:

Ohcan

Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".

Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Oza bargui

Ohcanáigemearri

31.01.2019

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!