Bargobáiki lea okta Sámedikki kantuvrrain Skániin, Ájluovttas dahje Snoasas.

Bargamušat:

Virgái gullet vuosttažettiin barggut rávvet, čuovvolit ja ovddidit Sámedikki áŋgiruššamiid gielladoaimmaide márkosámi guovllus, julev- ja lullisámegiela áššiide, ja eará fágalaš ovddideapmi Sámedikki giellaáŋgiruššama fágasuorggis. Virgái sáhttet maiddái biddjojuvvot eará doaimmat mat gullet Sámedikki doibmii.

Kvalifikašuvnnat:

Virgái háliidat olbmo geas lea oahppu allaskuvllas/universitehtas, mii vástida unnimusat bachelordási, vuosttažettiin servodatsuorggi siskkobealde dahje fágasurggiin mat čatnasit giellasuorgái. Vásihus giellahálddašanbargguin ja/dahje almmolaš hálddašeamis/ovddideamis giellasuorggi siskkobealde deattuhuvvo.

Máhtolašvuohta sámi servodatdiliid birra ja erenoamážit márko-, julev- ja lullisámi guovllu birra deattuhuvvo erenoamážit. Máhtolašvuohta sámi gielas,sihke njálmmálaččat ja čálalaččat deattuhuvvo. Dasa lassin deattuhuvvojit buorit fágalaš kvalifikašuvnnat, ovttasbargo- ja gulahallandáiddut,maiddái čálalaš ovdanbuktindáidu, dáidu bargat iešheanalaččat ja ulbmillaččat ja bálvalusárja.

Muđui:

Virggi bálká lea stáhta regulatiivva mielde virgekodas 1434 ráđđeaddi. Eanet dieđuid virggi birra addá ossodatdirektevra Anne Britt K Hætta tel. +47 78 47 40 00.

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25.000 ru rádjai, sii ožžot maiddái sierra vearrogessosa. Dát gustojit dassážiigo Stuorradiggi rievdada dáid ortnegiid.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.

Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Elektrovnnalaš virgeohcan registrerejuvvo www.jobbnorge.no

Skuvla- ja bargoduođaštusat biddjojuvvojit mielddusin ohcamii.

Ohcanáigemearri: Guovvamánu 22. b. 2018

Geahča almmuhusa Jobb Norges ja oza bargui

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!