Sámedikki válgajienastuslogu almmuheapmi

Diehtu gielddaide Sámedikki válgajienastuslogu almmuheami birra gaskajagis:

Ođas | Almmuhuvvon , ođasmahtton

Láhkaásahusa § 4, 2. lađđasa mielde Sámedikki válggaid birra galgá Sámedikki válgajienastuslohku ráhkaduvvot maiddái dan jagi go leat fylkkadigge- ja gielddastivrraválggat. Dat galgá nu guhkás go vejolaš lágiduvvot almmolaš geahčadeapmái, ja dan galgá gitta válgabeaivvi olggos leat vejolaš geahčadit.

Jienastuslohku šaddá 2019:s distribuerejuvvot gielddaide dallánaga go gárvána. Maŋimuš mearrebeaivi válgajienastuslogu čáliheapmái lea geassemánu 30. b. 2019. Dábálaččat manná vahku dán beaivvi rájes ovdalgo válgajienastuslohku lea ráhkaduvvon ja gárvvis sáddejuvvot.

Gieldda sámeválgastivra almmuha áiggi ja báikki jienastuslogu almmuheapmái, ja čilge maid makkár sivaid geažil ja guđe láhkai sáhtte gáibidit boasttuvuođaid njulgejuvvot. Dain gielddain gos báikkálaš dilit dan dahket dárbbašlažžan, sáhttá almmuheapmi dáhpáhuvvat njuolgga dieđihemiin olbmuide geat leat jienastuslohkui čálihuvvon.

Gáibádus njulgema ja ođasmahttima birra galgá sáddet Sámediggái, Ávjovárgeaidnu 50, 9730 Kárášjohka-Karasjok, e-poasta samediggi@samediggi.no. Gáibádus galgá lea čálalaš ja ákkastuvvon.

Gávdnet go dan maid ohcet?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!